He pae taonga a Kōtuia ngā Kete (Kōtuia) he mea whakatū nā Te Paerangi, arā, nā tētahi o ngā rōpū mahi o Te Papa Tongarewa. Ko tā te pae tukutuku nei, he tuitui i ngā taonga o Aotearoa ki ngā tāngata, ki ngā wāhi me ā rātou kōrero.
Nui atu i te 1.5 miriona ngā taonga | treasures me ngā toi | artworks a Kōtuia mai i ngā whare taonga, i ngā mūhiama me ngā wharetoi e 80.
Anei ngā taonga a Kōtuia:
- 1.5 miriona ngā taonga ā-mati
- 404 ngā tātai aratohu
Te kaupapa
Kōtuia ngā taonga
E whakatairanga ana mātou i te mana o ngā taonga, o ngā tāngata me ō rātou wāhi.
Kōtuia ngā kōrero
He matapihi tēnei ki ngā kohinga ā-hiko o Aotearoa, he wāhi kōrerorero. Ko te tūmanako, ka wānangahia, ka whakahoungia, ka tuituia anōtia ngā kōrero mō ēnei taonga.
Ko Kōtuia ngā Kete te kaupapa
E whakaahua ana te ingoa o Kōtuia ngā Kete i te tirohanga Māori ki ngā kete o te wānanga, otirā, kei te tuitui mātou i ngā mātauranga mai i ngā momo kete a tēnei pae tukutuku.
Koia tēnā ko te kaupapa me te aronga o Kōtuia. He wāhi huihui tēnei kia tuituia ngā mōhiotanga me ngā tikanga mahi e pā ana ki ngā taonga.
He mihi tēnei ki a Lee Johnson, he mātanga reo, he kaiako o Te Papa, nāna tēnei ingoa i hōmai.
He whakamārama anō mō te waitohu me te hoahoatanga o te pae tukutuku
Te hītori
Kōtuia ngā mahi
I mahitahi mātou ki ngā kaimahi mai i te huhua o ngā whare taonga, o ngā mūhiama me ngā wharetoi.
Anei ō mātou hoamahi:
- He kaiwhakahaere taonga
- He kairaupī Māori
- He kaiako
- He kairangahau
I whakarewaina a NZ Museums i te tau 2008, ka whakahoungia ki raro i te ingoa o Kōtuia i te tau 2023
I whakarewaina a NZ Museums i te tau 2008 hei pae tukutuku mō ngā taonga o ngā mūhiama iti me ngā wharetoi. Ka whakahoungia te pae tukutuku i te tau 2023 ki raro i te ingoa o Kōtuia kia āta kitea te hōhonutanga o ngā kohinga taonga a te motu, arā, kia nui ake ngā taonga, kia nui ake hoki ngā kōrero e tūhonohono ana i aua taonga. I te hiahia hoki mātou ki te whakatū i tētahi wāhi e whakaata ana i ngā wawata o Aotearoa hei whenua tikanga rua.