Karyn Owen, Kaiwhakahaere, Te Hikoi
He mea tīpako ēnei toki, hei tauira whakahirahira o ngā toki e mau ana ki te kohinga taonga o Te Hikoi. Nā ēnei toki kei te kitea ngā mahi hei waihanga toki, ko ngā momo taputapu me ngā rawa i whakamahia.
Koinei ētahi o ngā taonga nō tētahi kohinga toki a Te Hikoi neke atu i te 350 te nui. He rerekē te rahi, te momo me te wāhi i takea mai ai ngā kōhatu; waihoki kei te kitea te āhua o te waihangatanga –mai i te āhuatanga tuatahi tae noa ki te kuorotanga me te whakatutukinga. Ka herea ngā toki ki tētahi kakau roa, ā, ka whakamahia i ngā momo mahinga rākau, arā, hei hanga waka, hei tope rākau, hei whakaawaawa, hei whakahāngai hoki i ngā poronga rākau. Ka whakanikonikohia ngā mahi mā te whao.
E mau ana ēnei hononga e rua ki ētahi atu whakamārama, ā, ka kitea hoki te waihangatanga o te toki.
